Episodi i pestë ( 5 )

E drejta e grave në kërkimin e dijes

Grave u kërkohet e drejta e tyre në kërkimin e dijes:

 Në dy Sahihet (të saktat e Buhariut e Muslimit) është një kapitull me hadithin: “ A të caktohet për gratë një ditë që të marrin dije?!

Transmetohet nga Ebu Seid el-Khudrij (Allahu qoftë i kënaqur prej tij) i cili ka thënë: “I erdhi një grua të Dërguarit të Allahut (Paqja dhe bekimi i Allahut qofshin mbi të) dhe i tha: “O i Dërguari i Allahut! U ngritën burrat me mësimet e tua, prandaj caktoje nga ana jote për ne një ditë në mënyrë që të mblidhemi në të që të na mësosh nga ajo që të ka mësuar Allahu.” I tha:«اجتمعن» - «Mblidhuni» dhe u erdhi atyre dhe i mësoi ato nga ajo që i kishte mësuar Allahu.” E në një transmetim tjetër thotë: “na e kaluan neve burrat”. Kështu ka qenë i Dërguari i Allahut (Paqja dhe bekimi i Allahut qofshin mbi të) i gatshëm për dëgjimin e tyre në mirësi, dhe i veçoi ato në mësimdhënie.

Imami mund t’i këshillojë gratë dhe t’i mësojë ato:

Nga Ibn Xhurejxh e ky nga Ata’i e ky nga Xhabir ibn Abdullah transmetohet se ka thënë: “ U ngrit e u fal një ditë Bajrami i Dërguari i Allahut (Paqja dhe bekimi i Allahut qofshin mbi të), dhe filloi me faljen e namazit pastaj mbajti Hytben (predikimin), e pasi e kreu zbriti (nga mimberi –vendi i predikimit) i erdhën një grup grashë që të këshillohen, e ai ishte i mbështetur në krahun e Bilalit, ndërsa Bilali e kishte shtrirë veshjen e tij që gratë të hidhnin mbi të sadakanë (lëmoshën) e tyre.” E në një transmetim të Ibn Abasit: “E Ai mendonte se nuk do dëgjohej nga gratë prandaj i këshilloi ato dhe i urdhëroi që të jepnin sadaka (lëmoshë).”

Ndërsa Ibn Xhurejxhi i thotë Ata’së: “ A e konsideron detyrë ndaj Imamit këtë që ato të këshillohen?!” tha: “Ajo është detyrë për ta, e ata nuk kanë përse të mos e bëjnë!”

Kështu që gratë janë të një gjaku (përgjegjësie) me burrat në obligime, prandaj është detyrë mësimi i tyre. Ato i pat mësuar i Dërguari i Allahut (Paqja dhe bekimi i Allahut qofshin mbi të), dhe ua miratoi atyre të kërkuarit e dijes, dhe se nuk lejohet përzierja e grave me burrat gjatë mësimit, por ose të ndahet një ditë e veçantë për to siç ka ardhur në hadithin e sipërpërmendur, ose t’u bëhet vend në fund të rrjeshtave të burrave siç edhe është përmendur në hadithin e Ibn Abasit “Lëreni këtë për gratë” e ndërsa Ibn Haxheri (2/466): “Dihej se gratë ishin të prera ndaj burrave për mos përzierjen e tyre me ta.”