Episodi i parë ( 3 )

Përmbledhjet në shembuj

Prej dijetarëve ka që i kanë veçuar shembujt e ardhura në Sunnet (trashëgiminë profetike) duke i përmbledhur, prej tyre Ebu el-Hasen er-Ramahurmuzij, aq sa e quajti librin e tij: “Emthal el-Hadith el-Merwijeh an en-Nebij (sal’Allahu alejhi ue sel’lem)- Shembujt e haditheve të transmetuara nga Profeti (Paqja dhe bekimi i Allahut qofshin mbi të)”, e po ashtu edhe Ebu Muhammed bin Abdullah bin Muhammed bin Xhafer bin Hajan dhe libri i tij i quajtur: “Kitab el-Emthal fij el-Hadith en-Nebewijeh(Libri i shembujve në hadithet profetike)”, e prej tyre kishte që vunë për kapitull apo ndarje në përmbledhjen e tij, si Ebu Isa et-Tirmidhij, i cili vuri një kapitull në “Xhami’un-Përmbledhjen” e tij dhe e titulloi: “Ebwab el-Emthal an rasulilah Sal’Allahu alejhi ue sel’lem (Kapitujt e shembujve nga i Dërguari i Allahut (Paqja dhe bekimi i Allahut qofshin mbi të).”

Thotë el-Kadij Ebu Bekr bin el-Arabij (Allahu e mëshiroftë): “ Nuk kam parë prej ndjekësve të hadithit i cili i ka përmbledhur dhe veçoi prej tyre shembujt në një kapitull përveç atij të Ebu Isës, Allahu ia shumfishoftë (mirësitë) e tij, i cili hapi një kapitull, dhe ndërtoi një kështjellë apo një shtëpi, veçse ai shkroi me shkrim të vogël, dhe ne jemi të kënaqur me të, dhe e falenderojmë për këtë.”

Metodika e studimit të shembujve:

Rreth rëndësisë së shembujve në Sunnetin (trashigiminë) profetike, ne zgjodhëm prej tyre një pjesë të devotshme, prej librave të sunnetit, sipas metodikës në vijim:

1.  Mjaftueshmëria me atë që është saktësuar prej tyre në zinxhirin e transmetimit, e në të ka mjaftueshmëri dhe begati.

2.  Nxjerrja e haditheve prej Librave Referues të Sunnetit.

3.  Shpjegimi i fjalëve të pakuptueshme në tekstin e hadithit, bashkë me shpjegimin e përgjithshëm të hadithit, në rast nevoje për këtë.

4.  Përmendja e dobive më të rëndësishme të kuptuara prej shembullit.

5.  Kthimi tek burimet kryesore, nga shpjegimet e Sunnetit, dhe të fjalëve të pakuptueshme të hadithit, librave të gjuhës, bashkë me treguesin për to në pasqyrën e referencave.

Kaq, dhe e lusim Allahune Lartmadhëruar që të bëhet dobi me këtë, vërtetë Ai është Bamirës e Bujar, e falenderuar qoftë Allahu - Zoti i botëve. 

Add comment